هذا الموضوع رساله اتبعتيتلى على الايميل مضونها ان شخص
بيقول انه عاوز يتكلم فى موضوع الارتباط الرسمى
وتفتكر امتى الانسان ممكن يرتبط ويتقدم لواحده
وان الواحد من اسره من الناحيه الماديه قليله
امتى الواحد هيكون نفسه
وهو هيخلص دراسه وهو عنده 22 سنه
وممكن يبقوا 24 سنه
ولو خلصت هشتغل امتى ولو اشتغلت هاكون نفسى امتى
وهل البنت اللى بحبها هتستنانى
ولو استنتوه يسلام بقى لو واحد متقدملها
ورفضتته واهلها عرفوا السبب
هتبقى مشكله كبيره
وهو عاوز يسيب البنت اللى معاه
عشان ميظلمهاش
......
اسمع ياسيدى المشكله اللى انت بتفكر فيها مش مشكلتك لوحدك
دى مشكله جيل مثلى ومثلك
ولو فكرنا فيها بالعقل واحده واحده
هنقول فى الاخر احنا ملناش فى الجواز
يعنى انا مش هتكلم عليك وله على غيرك
تخيل انى انا اللى وقعت فى الموقف ده
وبحكى معاكوا
طبعا هيكون تفكيرى كألاتى
انا عاوز ارتبط بالانسانه اللى بحبها
طيب انا قدامى 3 سنين عشان اخلص دراسه
ياترى هى هتستنى؟
وبعد الدراسه فى جيش سنه ويعالم
ياترى هى هتستنى؟
طيب انا هشتغل ازاى وايه
اذا كان كل الشباب بيدوروا على شغل
ولو هدور هدور قد ايه وهشتغل ايه
وياترى هى لسه هتستنى؟
طيب هنقول انى هاشتغل
ولو اشتغلت هاكون نفسى فى قد ايه
طيب انا هاخود كام
كبيرى قوى
400
500
600
هاجوز بيهم ازاى واسرف على نفسى وعليها ازاى
طيب هاحوش منهم قد ايه
اه اه افتكرت
انا هاخلص دراستى
وليا واحد قريبى هيسفرنى بره اشتغل
ايوه كده اشتغلى سنتين
وارجع اخطبها واسافر
والسنه اللى بعديها ارجع اتجوزها واخودها معايا
وانا هناك مسافر اظبط شقه هنا براحتى
طيب هو انا كده هخليها تستى قد ايه
عندى 3 سنين دراسه
وكمان سنه جيش
وكمان 3 سنين سفر
وانا عندى 22 سنه
3+1+3=7
يالهووووووووووووووى
معقول هى هتستنى 7 سنين
وايه ده لو انا سافرت
وهيكون عندى ساعتها 29 سنه
وطبعا هى هيتقدملها فى السنه على الاقل عريسين
والعرسان الايام دول كلهم
صنف واحد
مش عارف مسافر فين
وكلهم الاوائل على دفعتهم
وكلهم محترمين
وكلهم بيختاروا البيت الكويس
والبنت اللى اهلها سمعتهم كويسه
فعلا فعلا
انا ماليش فى الجواز
....
اسمع ياحج براحه كده
دلوقتى عاوزين نتفق على حاجه
ان محدش بياخود اكتر من نصيبه
ولو مكتوبلك انك تتجوز فلانه
والله لو انت مش لاقى تاكل هتتجوزها
متفقين
طيب تعالى هنا
انت مش بتشوف ناس على قد حالهم قوى
وشباب حالتهم الماديه مش اللى هى
وتسأل نفسك وتقول
ايه ده هو فلان اتجوز
ينهار ابيض
اتجوز ازاى
هاقولك عادى هو مش معاه بس اتجوز
طيب ازاى متعرش
واحده واحده وهى ماشي
مسأله ان تخطب سهله وبتدبر ساعتها انت هتلاقى
ربنا بيفتحلك الف سكه وسكه للشغل
صدقنى والله العظيم هى مسأله ترتيب من ربك
وبتلاقيها بتمشى
مش عارف تطلعلك شقه منين مقدمها صغير
او حاجه تدفلعها شهر تأمين وشهر مقدم
حاجات من دى
والله العظيم بتمشى
والله العظيم ربك بيدبرها
بس انت اسعى
خلص درستك
اعمل اللى عليك تجاه نفسك
وليها الف حل وحل
بس لو فضلنا نفكر باطريقه دى مش هنعرف نتحرك خالص
اما بالنسبه لموضوع العرسان اللى بيتقدموا
فتعالى كده بص
انت عندك 22 سنه
هاتلى عريس واحد متقدملها فى نفس سنك
كله واخد خطوه ال30 سنه
مش هاقول اننا مش نحب ومش نرتبط واننا
نسيب اللى بنحبه
بس لازم تقتنع بحاجه
اللى عاوزك هيستناك
والله اللى عاوزك هيستناك
وانت مش بتظلم حد
لانها لو مش بتحبك وقت ماتحب تسيبك هتسيبك
بس لو هى استنتك
يبقى دورك هو الاهم
وهو انك تعمل حاجه للانسانه اللى مستنياك
واعرف ان زى ماانت فى عذاب هى كمان فى عذاب
يعنى هى هتخسر ايه
ماهى كل منها انها ترتبط بلانسان اللى حبيته
وانت توكل على الله
والله ربنا مش هيسيبك وهتمشى
ومستنى من ان اعطانا الله العمر
مستنى ايميل تقولى في انا اتجوزت ومشيت لوحدها معايا
وربنا يوفقنا جميعا
ويكتبلنا الخير
بس انت قول يارب
اعتذر عن تأخيرى فى الرد ولكن يعلم الله ماكنت فيه
اشكرك على ارسالك
وانك اتحت لنا الفرصه لطرح موضوع جديد
ربنا معانا 
