 تدري وش اللي يتعب البنت يا سعود,,
بـسـم الله الرحـمـن الـرحـيـم
تدري وش اللـي يتعـب البنـت يـا سعـود
رجـلٍ يخـون اشواقهـا و المـودة
إللـي إلا احتـاج الغـلا صــار نـمـرود
وإلـى شبـع ممـا عطـاه إستـرده
البنـت ريحانـة غـلا... ناعـمـة عــود
تبي لهـا رجـلٍ ورث طيـب جـده
رجـلٍ فعولـة كلهـا جـود فــي جــود
ما يلتفـت للـي كفوفـه تمـده ...!!
رجــلٍ إلا جـتـه اللـيـالـي بمـنـقـود
يتكى لهـا مـا بيـح الوقـت سـده
مهـوب خبـلٍ مـا رعــى للهوى عـهـود
وادناة مـا عـارض طريقـه يـرده
ولاهـوب لاعلـة ... ولاهــوب ملـهـود
ولا شكوك ... و كـلٍ طـارئٍ يحـده
مـا اشيـن مـن الرجـال لا جـاك ببـرود
وإن قال له ترف القـدم شـي صـده
تبـي لهـا بـراق طـيـبٍ لــه رعــود
إن اجدبت يمطر علـى ريـف خـده
وإن نادتـه تكفـى لقـت عـنـده الـفـود
يشيـل عزتهـا علـى قـو زنــده
كفه نفـل ... وانفـاس صـدره لهـا عـود
وظلالـه الضافـي بيـدهـا تـمـده
البنـت خـد ... وقـد ... ونواظـرٍ ســود
وريحة غلاً ... ياسعد من شـم نـده
البنـت إلا ضحـكـت ثمـرهـا لــك ورود
يا سعد مـن يقطـف نواويـر وردة
واللـي يهيـن البنـت ناقـص ... ومقـرود
فرس غلا ... ماهـي حمـارة مكـدة
,,,,اتمنـى انهـا تعجبـكـم
مـــــنـــــقــــــول
| 
المواضيع المتشابهه 
العرض العادي
