سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته وأشتياقه
في خطك الواضح على بيض الاوراق
قصه حزين صافي المر ذاقه
اليا ذكر ماصار له خاطره ضاق
باقوا به الاصحاب والوقت باقه
وصار الضحيه بين بايق وبواق
يمشي وهو ماحس في كسر ساقه
أمسى على ساقين واصبح على ساق
وهذي سواه الوقت شين اصطفاقه
الوقت لو يصفي لك أيام دراق
أن شان قطّع عنك كل العلاقه
وأن زان خلى لك مع الناس عشاق
ومن شان معه الوقت قلوا رفاقه
راحت حياته كلها هم واقلاق
والله خلق خلقٍ تحب اللباقه
كمل خلق خلق ماعندها اخلاق
أحدٍ يعيش بخير وأحدٍ بفاقه
وأحدٍ يعوق ايام وايام ينعاق
وأحدٍ معه حكمه وصبر ورواقه
سبحان منهو للمخاليق خلاق
لكن يامن معك عقل ووثاقه
ابنصحك كانك للأمثال تشتاق
من رغب في فرقاك فـ أرغب فراقه
جاز الذي يجزاك فراق بفراق
وتعلم التعشيق قبل السواقه
لاتحسب انك بالدركسون سواق
ورزقك يجيك بدون تحظر بطاقه
وعند الله المعبود تقسيم الارزاق
يقولها اللي جاير الوقت عاقه
ولازال في غيبوبه الهم مافاق
من الغراقه باديٍ بأنغراقه
واللي يوده صار شوفه بالاشفاق
« آخـــر الــمــواضــيــع »
قصة حـزيــــــــــن 
العرض العادي
