الله يـا عطـرٍ تبخـر مـن الشـال
مـدري تصبـه صـب وإلا تشيلـه
خلت حياتـي بيـن دمعـه وولـوال
وتنهيـدة بالصـدر يـا هـي ثقيلـه
صديـت عنهـا لكـن القلـب ميـال
يقطعـك يـا قلـب العنـا والفشيلـه
يا قلب لا تركض ورى طيف واخيال
لصبر ومـن يصبـر ينـال الفضيلـه
شربت من كاس الهوى ربـع فنجـال
وشلون منهو شـرب حتـى الحثيلـه
راع الهوى يشرى العنى دوم بريـال
ما عاش مـن يشـري حيـاةٍ ذليلـه
تبنا إلـى المولـى ونرجيـه الاقبـال
يا الله عسـى باقـي حياتـي جميلـه
والحمـد لله طايـع بكـل الأحــوال
لكـن نشـقـى بالحـيـاة الهزيـلـه
يا من تعـرض للمواقـف والأهـوال
خلـك علـى دينـك وحـاذر بديلـه
وإن كنـت تسمـع للشياطيـن تغتـال
من تحـت الارجـل فانتبـه يالدليلـه
هذي علومي قلتهـا واعـرف الحـال
دنيـا الزخـارف ظللتـنـا ظليـلـه
لكن اببعد عـن شفـا جـرف مهيـال
واصلي افروضـي واعـد الطويلـه
بعض العرب ما له من العقل مثقـال
عقلـه غـدا مـا عـاد يلقـى قليلـه
راحـت حياتـه بيـن فـنٍ وجـوال
ومكالمـات الليـل ياهـي طويـلـه
واللـي يكلمهـا مـن الحـب تكتـال
كلمـه ورى كلمـه وهـذا حصيلـه
ومن الذنوب العبد مـا عـاد يشتـال
نسى وراه المـوت وايضـا المهيلـه
وان كان تسمع قولتـي دوك الامثـال
دنياك شمس تغيـب بأسـرع وسيلـه
احذر ادروب الغي يـا طيـب الفـال
خلك علـى خطـك وحـاذر مميلـه
وان شفت بعض الناس له بشت وعقال
لا تمدحـه حتـى تجـرب حصيلـه
الناس ما ترحم إليـا صـرت عيـال
واليا وطـاك الوقـت خلـوك عيلـه
للآمآنه
« آخـــر الــمــواضــيــع »
الله يا عطرٍ تبخر من الشال 
العرض العادي
