اوعى تخاف من الخوف

إحصائية العضو

اوعى تخاف من الخوف لانه غول..
وياما دقت على الرووس طبول
الخوف وهم ياخدك فى طريقه على طول..
ويخليك تصدق اللى مش معقول
لابخاف من حاوى...
ومخبيلوا التعبان فى اكمامى
ولا بعمل حساب حيه..
ولا على ايه ناويه
الخوف يملا روحك ضلمه..
ويخلى بالك على طول مشغول
مش بقولك ياماطبول على الراس دقت..
وهى لا خافت ولا فى يوم حنت
علمتنى كلمتى...
لا بخاف غير من الخالق الرازق..
هو فى ايده مصير الخلايق
مسير ييجى يوم تبان الحقايق
ادور فى الموالد كما الدراويش
ألبس جبه خضرا وقميص خيش
وابص فى عينهم ياخساره اخلاص مافيش
وابعد على اد ماقدر عن مصاحبه الاندال
ياخدوا سرك ويلفوا كما الحبال
وينسجوا الف حكايه وموال
للاسف كنت كاشف لعبتك ياكبير التعابين
وسيبتك تكمل حيلتك لكن على مين
بكره تنقلب عليك لان نيتك طين
علمتنى كلمتى...
الصير وقت الضيق
وحرمت اخد من سكتى صديق
لانكم ياصحاب الزمن ده ماتنفعوش سند للطريق
يابخت انا بقدر اقول اللى فى ضميرى وانفضه
ويابخت كلامى على الجروح واللى جوة قلبى بفضفضه
وقفت وسط الخلايق
ومنين اجيب ناس فى جروح مالهاش دواة
خصوصا حروح الناس
ولا ميت وميت طبيب..يدوى جرح الاحساس
حتى لو انكوى حتى لو ناح
منين اجيب ناس لمعنه الكلام يتلوة
فى ناس قلوبها ماس وناس بالقدم تنداس
وناس ما بقيتش تشبه الناس لا احساس
ولا قلب غير للنفاق والكدب حساس
وميت الف عجبى.......!!!!!



مع تحياتي : أحمد عيسى