ليه لما نمشى فى المطر لظروف إستثنائية نرفع أكتافنا لفوق ؟ يعني هي كتافنا هتعمل ايه؟
ليه لما نحس إن إحنا دخلنا طريق غلط وإحنا سايقين السياره بنقلل صوت الكاسيت أو راديو السيارة ؟
ليه لما تكون بطارية الريموت شبه فاضية ، بنضغط على الزر بقوه ؟
ليه لما حد يدينا قلم جديد .. أول شي نعمله نجرب نكتب إسمنا ؟
ليه نقول هدية مجانية ..؟ مش المفروض إن الهدية تكون مجانية ؟
ليه لما واحد يقولنا خلي بالك الجدار لسة مدهون مش نصدقه ونمد اصبعنا نتأكد ؟
ليه الخدمة تكون سريعة لما المطعم يكون مزدحم أكتر من لما يكون نص نص ؟
ليه دايما لما واحد يجري يلحق الباص تلاقيه مبتسم أو يضحك ؟
ليه نفكر إن لما ندوس على زرار الأصانصير كثير هيجي بسرعة ؟
ليه وإحنا بنأكل الطفل الصغير فى فمه بالملعقة .. بنفتح فمنا معاه ؟
ليه دايما عندنا إستعداد تام إننا نصدق أى حد بيكلمنا فى الاذن.. بيوشوشنا ؟
ليه لما بنتصل بالتليفون .. دايما النمر الغلط ماتكون مشغولة ؟
ليه لما بنصحى من النوم دايما بنحس إن كمية النوم ناقصها عشر دقايق بس ؟