خللي بالك … فيه لبانه ع الكرسي !!
في البداية كنت هاكتب الموضوع عن الناس الغريبة اللي بتحط لبان ع الكراسي ….
الحقيقة …
دي هواية غريبة !
مش عارف طبيعية نفسياتهم عامله إيه !!
نفسية إيه دي بس !!
لكن لقيت الموضوع زاد شويتين لما عرفت ظاهرة غريبة أكتر من دي !!
بجد هوه فيه أكتر من اللي بيحط لبان للناس .. مش عارف هوه بيعملها عشان يبوظ هدوم الناس ولاّ عشان يدايقهم … ولاّ مقالب !!!
الظاهرة الغريبة ..
إني لقيت ناس بتحط لبان بس مش عشان حد تاني !!
لكن عشان نفسها !!
اللي زاد خوفي …
إن الناس دي موجودة في أماكن كتيرة …
اه …
دا ساعات … بيعملوا حاجة أغرب إنهم بيحطوا لبانه للي بيحبوه !!
تقريبا عرفتوا هما مين ؟!
دول الناس المسئولين …
تلاقي الواحد منهم بيشتري بالمبلغ الفلاني لبان !!
( طبعا فاهمين ) عشان يلزق في الكرسي …
ويبقى نفسه يشتري لبان تاني لقرايبه …
عشان يلزقوا …
اللهم ولّ أمورنا خيارنا ... ولا تولّ أمورنا شرارنا ..