الاسم : محمد النجار
السن : 27
العنوان : الجيزة
الحب بالنسبالى هو كل حاجة لانه اسمى شئ فى الدنيا
الحب هو الشريان المغذى للقلب والروح
نسبتة عندى 99%
والواحد % يدخل تحت اى بند من ظروف الدنيا لان
مفيش انسان كامل
الكمال لله واحدة
انا بطبيعتى رومانسى والرومانسية مش خيال
الرومانيسة احساس بس والرومانسية متبقاش فى كل وقت
يعنى لو فى مشكلة لازم نكون واقعيين معاها
يعنى مثلا مش واحد رومانسى تجبره الظروف انة يدخل
قسم شرطة يقعد يحب فى الظابط
الانسان العاقل هو اللى يقدر يختار الوقت المناسب لكل
شىء يقابلة وازاى يتصرف فيه
مواصفات فتاة احلامى اهم شىء تكون متدينة
رقيقة مرحة تفهمنى من غير ما اتكلم
صادقة فى حبها
نعم انا لقيت الانسانة دى
وعقبالكم كلكم يا سيادة المستشارين واعضاء المحكمة
لما كل واحد يلاقى نصفة التانى قولو امين
الحب من اول نظرة مفيش حد مجربهوش كلنا جربناه
وفى منه بيفشل وفى منه بينجح
فى راى الشخصى هو بيبقا اعجاب من اول نظرة
وبعد كدة بيرتقى لدرجة الحب او بينتهى عند مرحلة الاعجاب
على حسب الاشخاص ودرجة حبهم
الحب دلوقتى زى الحب قبل كدة زى الحب بعد كدة يعنى
مفيش فرق الحب مبيتغيرش
اللى بيتغير الانسان كل زمن وله افكارة بس الحب ثابت
والحب هو الصدق بين الحبيبين ودرجة تمسكهم واخلاصهم
لبعض
وهو موجود بنسبة 60 % دلوقت بس موجود وده الاهم
لو بحب انسانة ومش عارفة سؤال صعب شوية بس فى ناس كتير
بتقول انك المفروض انك تروح وتصارحها
بس انا الموضوع ده صعب انى اعمله الحب احساس اكتر منه
كلام يعنى انا لو حسيت انها بتبادلنى نفس الشعور هصارحها
ولو محسيتش من ناحيتها بحاجة يبقا عمرى ما هفرض نفسى عليها
وصعب انى اروح اقولها وده راى الشخصى
افضل الحب ثم الزواج لان قبل الزواج هتكون حر فى اختيار حبيبك
اللى بتتمناه اما بعد الزواج هتحبة تعود عليه مش لانك بتتمناه
انا الانسانة اللى هحبها عمرى ما اتخلى عنها طالما هى متمسكة
بيا واهلى استحالة هيقفو فى طريق سعادتى وزى ما انا هحب
الانسانة دى هما كمان هيحبوها وهتقدر تكسب حبهم زى ما
كسبت حبى انا والانسانة الكويسة مفيش اتنين يختلفو عليها
الحب بصفة عامة هو اعظم حاجة فى الدنيا ودليل النجاح فى كل شىء
والحياة من غير حب زى محكمة من غير قاضى
واشكر هيئة المحكمة واتمنى البراءة
وان حكمتم بين الناس فاحكمو بالعدل