انا افهمك الموضوع

انت مهما هاتعمل مع الناس مش هايرضوا باللي انت بتعمله

وطبعا الدليل الواضح اوي للكلام ده ان مفيش حد عاجبه حاله

يعني كل واحد عنده مشكلة معينة وماتقولش ان هي الفلوس

لان معظم الناس اللي بتقول ان ليها مشاكل بتقول انا مشكلتي الفلوس

لكن لو هو فكر صح في الموضوع كله

يعني يتخيل ان هو معاه فلوس ومفيش مشكلة بالفلوس

تيجي تبص انك تعرف تصرف الفلوس دي في مكانها الصحيح محدش بيعملها

ولو معاك فلوس تلاقي الناس كلها بتقول شوف الراجل ده معاه فلوس علي قلبه قد كده

ماتضحكش هو ده كلام الناس اللي انت بتسأل عليه

ولو مماعكش هايقولوا برضه لو كان معاه مش هايعمل حاجه ده اهبل يابني ومايعرفش يتصرف في حاجة

يعني احسن حل للموضوع ده انك حتي ماتسألش الناس في اي حاجة

يعني في مقوله الكل بيقولها وانت نفسك تلاقيك بتقولها
في اي موقف من المواقف نثلا بتشتري اكل
تلاقي واحد واقف جنبك يقولك لا الصنف ده هايفيدك اكتر فيه مواد غذائية واشتغالات من دي
يبقي واحد صاحبك واقف جنبك يقوم قايلك (اعمل اي حاجة علي مزاجك ماعدا في الاكل او يقولك كل علي مزاج الناس)

ونفس الحوار في موضوع الهدوم ده لو بتشتري هدوم ولا حاجة

ده حتي لو بتشتري موبيليا اهايقولولك خد علي زوق الراجل بيفهم اكتر منك

ولو بتشتري كوتشي ولا جزمة (نفس الحكاية)

يعني مافيش اتنين هايقولوك علي حاجة والاتنين رايهم هايعجبك


حاجة غريبة فعلا

بص بقي في المواقف اللي زي دي
تقوم انت مكبر دماغك حتي لو فيه حاجة عاجباك ومش عاجبة اي حد تاني او تصرف معين بس تكون مقتنع ان هو صح 100%
ولو كده نفض لكل اللي حواليك وسيبهم يتكلموا لان لو بتحاول ترضيهم مهما هاتعمل برضوا مش هايرضوا

وشكرا...........